யாவும் யாவுமாக

எனக்குள் சில சமயம்

ஒரு புலி உறுமுகிறது

ஒரு ஆடு துள்ளுகிறது

ஒரு பறவை சிறகடிக்கிறது

ஒரு நாய் குலைக்கிறது

ஒரு குயில் கூவுகிறது

ஒரு பூனை என் மூளை செல்களை
சுற்றி சுற்றி ஊர்வலம் வருகிறது

ஒரு யானை தன் தும்பிக்கையை
உயர்த்தி பிளிருகிறது

ஒரு சிங்கம் நடப்பன -யாவற்றையும்
பார்த்து கர்ஜிக்கிறது...

இப்படி மிருகங்கள் என
வகைபடுத்தப்பட்ட யாவையும்
எனக்குள் கண்டறிந்த நான்...

எனக்குள் நகரும் ஒரு மனிதனை
கண்டறிய சந்தர்ப்பம் வாய்க்கவில்லை...