அவளை போன்ற ஒரு முகம்

அவளை போன்ற ஒரு முகத்தை
அடிக்கடி பார்க்க நேரிடுகிறது...

ஏதாவது பேசலாம் என்று
நினைத்தால் அவளுக்கு என்னை போன்ற
ஒரு முகம் அடிக்கடி பார்க்க
நேரிடுகிறதா என தெரியவில்லை...

ஏதோ ஒன்று எப்போதும்
தொடர்பில்தான் இருக்கிறது...

அவளை போன்ற ஒரு முகத்தை
பார்க்கும் ஒவ்வொரு முறையும்
எதுவும் பேசாமல் என்னை நானே
அமைதிபடுத்திக் கொள்கிறேன்.

காரணம்...

பிற்பாடு வரப்போகும்
காதல்காலமொன்றில்
ஏதேச்சையாக அவளும்...
தெரியாத்தனமாக நானும்...
எங்கோ எப்படியோ
சந்திக்கப் போகிறோம் என...

மீண்டும் தோன்றுகிறது...
ஏதோ ஒன்று எப்போதும்
தொலைக்க முடியாத - தொடர்பில்தான்
இருந்து கொண்டிருக்கிறது.

காதலில் காத்திருத்தலை தவிர வேறு
காரணம் என்ன சொல்ல முடியும் ???ர்