பெருவெளியும் மனமும்

நீண்டதொரு இந்த பெருவெளிக்கும்
அதைவிட நீண்டதொரு என் மனதிற்கும்
இடைவெளி என்பதே இல்லை...

என்னை சுற்றிய இந்த பெருவெளி
என் முன் இங்கே வாழ்ந்தவர்களின்
மனமாக இருந்திருக்குமோ...

என் மனம் ஒருவேளை
என் பின் வாழ்பவர்களின்
பெருவெளியாக மாறிப் போகுமோ...

சுற்றிய பெருவெளி
எனக்குள் உருவாக்குவது
என் மனமா?
என் போன்ற மனங்கள் ஒன்றினைந்து
உருவாக்கியது
இந்த பெருவெளியா...

ஆனால் இரண்டிற்கும் இடைவெளி
எதுவுமில்லை என்பது மட்டும்
எனக்கு சத்தியமாகத் தெரியும்...