பேச வேண்டியன பேசியன

உன்னிடம் இதைப் பற்றி
பேச வேண்டுமென - பலமுறை
நினைத்திருக்கிறேன்.

சில நேரம் நீயும் அதையேதான்
எதிர்பார்ப்பது போல்
என்னை எதிர்நோக்குகிறாய்...

உன் பார்வையின் புரிதலில்
என் சொற்களும் உன் சொற்களும்
ஒன்றையொன்று பரஸ்பரம்
விசாரித்துக் கொண்டன...

சொற்கள் அல்லாத சொற்கள்
அங்கே பிறந்தன...
உன்னையும் என்னையும்
அதன் அர்த்தங்களாக்கின...

உன்னிடம் சொல்லப்பட வேண்டிய
என் வார்த்தைகள் - அந்த
அர்த்தங்களில் மெல்ல
நடனம் ஆட ஆரம்பித்தன