பயணத்தின் பக்கங்கள்

என்னுள் இருந்து
எனக்குள்ளாக எனக்கான
வழித்தடத்தில்
பயணிக்க ஆரம்பித்தேன்...

அங்கங்கே குன்றுகள்...
மலைகள்... அருவிகள்... ஆறுகள்..
காடுகள்...

நான் பரவசமாகிறேன்...
தடதடவென
தான் தோன்றித்தனமாய்
தவிப்புடன் தகிப்புடன் அலைகிறேன்...

குன்றில் ஏறி கூவுகிறேன்
அருவியில் நின்று அழுகிறேன்...
காடுகளில் சுற்றி கரைகிறேன்...

பின் பயணம் முடித்து வீடு
திரும்புதல் என முடிவெடுத்து
கண்களை திறந்தேன்...

என்னை சுற்றியவர்கள்
கைகளை பிசைந்தவாறு
நின்று கொண்டிருக்கிறார்கள்...
கண்களில் அச்சத்தோடு
கனன்று கொண்டிருக்கிறார்கள்..

என் முன்னால் ஒரு
பைத்தியத்திற்கு வைத்தியம்
செய்யும் டாக்டர் ஒருவர்
நின்று கொண்டிருக்கிறார்.

இப்போது இந்த உலகத்தின்
ஒரு பயணத்திற்காக
தயார் செய்யப்படுகிறேனோ... ???