ஓடிக் கொண்டேயிருக்கிறேன் !!!

இன்னும் கொஞ்ச தூரம்தான்...

எனக்கான கடைசி பகுதியில்
ஓடிக் கொண்டிருக்கிறேன்...

கால்கள் பின்னுகின்றன...

கைகள் காற்றில் தன் இஷ்டம்
போல் பறக்கின்றன...

கண்கள் தன் இலக்கை நோக்கிய
பிம்பத்தை சிறைபடுத்த முயன்று
தவித்துக் கொண்டிருக்கிறது...

வெளியே நான் ஓட என் உடலின் உள்ளே
இரத்தம் என்னைவிட வேகமாக ஓடிக் கொண்டிருக்கிறது.

மெல்ல மெல்ல தோய்ந்து
என் ஓட்டம் நிற்கும் நிலையில்
உன் ஒரேயொரு ஓரப் பார்வை
என் மேல் வந்து விழுகிறது...

இதற்கு மேல் நான் ஓடினேன்
என்றா சொல்ல வேண்டும்...
இலக்கை அடைந்த பின்னும்,
வெற்றிய எட்டிய பின்னும்
ஓடினேன்... ஓடினேன்... இன்று வரை ஓடிக் கொண்டேயிருக்கிறேன்...