எல்லாம் எல்லாமே

பல சமயம்... 
நான் ஒரு உயிராய்... கல்லாய்... 
மரமாய்... செடியாய்... கொடியாய்... 
ஆனால் இப்போது எனக்கு 
மரத்தின் இலையாய் ஒரு அவதாரம்... 

விழுந்தேன்... ஒரு நதியில்... 
மிதந்தேன்... அதன் மடியில்... 
மரணத்திற்கு பின்னால் 
வரும் பயணம் போல் ஆனந்தமாய் மிதக்கிறேன்... 

தண்ணீரில் தவித்து, தத்தளித்து, விக்கித்து
என் மேல் ஏறிய ஒரு எறும்பு
மரணத்தின் பிடியிலிருந்து
தன்னை மீட்டுக் கொள்கிறது.

இலை படகாகும் போது
மனிதன் வானமாகக் கூடாதா என்ன ???