மௌனக்கூடு

கிடைத்தவன்
தப்பித்து விட்டோம் என நினைக்கிறான்
கிடைக்காதவன்
அதிஷ்டமில்லை என நினைக்கிறான்... 
இடைபட்டவன் இன்னும் கொஞ்சம்தான்
என நினைக்கிறான்... 

எது கிடைத்தால் இந்த மனம்
இன்புற்று மாயுமென 
தெரியாத - புரியாத தன்மைதான்
பரவி கிடக்கிறதோ !!!

இதற்கிடையில் மேற்கண்டவாறு
வியாக்கியானம் பேசும்
பற்பல வெங்காயங்கள் வேறு அலைகின்றன...

எனக்கோ இந்த ”மனம் என்றால்
என்ன?” என்பதே இன்னும் புரியவில்லை...

நான்கு சுவருக்குள் அடைந்து கொண்டு
தன்னிறைவடைந்தேன் எனச் சொல்லும்
வேடிக்கைகளை சற்று
நினைத்துப் பார்த்தால்
இந்த மனமென்று எண்ணப்படும்
மௌனக்கூடு ஒன்று வெற்றிடமாகிறது !!!