மௌன பேரலை

நான் பேசாமல் இருக்கின்றேன்
என்பது என் மௌனம் அல்ல... 

உள்ளுக்குள் உனக்கான 
ஆயிரம் வார்த்தைகள் தன்னை பயிற்சி 
செய்து பார்த்துக் கொண்டிருக்கின்றன... 

அது என்னவோ 
என்ன மாயமோ தெரியவில்லை
உன்னைப் பார்த்ததும் 
அத்தனை வார்த்தைகளும்
என்னுள் ஓடி ஒளிந்து கொள்கின்றன...

இவற்றுள் தப்பித் தவறி தைரியம் பெற்ற
அந்த மூன்றெழுத்து வார்த்தைகளும்
உன் ஒரே ஒரு பார்வையில்
செயலற்றுப் போகின்றன

- அதன் பின்

உன் ஒரே ஒரு ஒற்றை புன்னகையில்
என் அத்தனை வார்த்தைகளையும் வீழ்த்தி
மீண்டுமொரு மௌன பேரலையை எனக்குள்
உருவாக்கிவிட்டு நகர்கிறாய்...