நினைவின் பிம்பங்கள்

என் இரவின் அமைதி

உன் ஞாபகங்களால் அலைமோதுகிறது..

இந்த இரவில் உன் நினைவின்
மெல்லிய அதிர்வுகள் என்னுள்
உன்னோடு இருந்த
நொடிகளை

உன்னோடு நனைந்த
மழைத் துளிகளை

உன்னோடு இறுகிய
மௌனங்களை

உன்னோடு நழுவிய
தழுவல்களை

உன்னோடு நகர்ந்த
மாலை நேரங்களை

உன்னோடு மலர்ந்த காதலை
மெல்ல மெல்ல
இழைய செய்ய..
என் இரவின் அமைதி முழுவதும்
உன் ஞாபகங்களால் நெய்யப்படுகிறது.