இன்னும் எத்தனை தூரம் ???

இன்னும் எத்தனை தூரம் 
இந்தப் பயணம்... 

பயம் அற்றுப் போகிறேன்... 
பற்று இற்றுப் போகிறேன்... 

விடுதலையின் அர்த்தம் 
விழிகளில் வழிய
எதிர்படும் நிமிடங்களை 
சிறு புன்னகையுடன் கடந்து கொண்டிருக்கிறேன்... 

இதற்கு முன்னும்
இதற்கு பின்னும்
வந்தேனா - வருவேனா
எனக்குத் தெரியாது...

ஆனால் வந்தது போலும்
வருவது போலும் எண்ணங்கள்
எனக்குள் தன்னை கிளை பரப்புகின்றன...

தற்சமயம் எனக்குள்ளே
நான் கேட்காமல் எழுந்த கேள்வி

இன்னும் எத்தனை தூரம்
இந்தப் பயணம் ?

?????