நானென்ற நானற்ற பிம்பங்கள் !!!

வாழ்வின் ஒவ்வொரு நிகழ்வும்
எதையாவது ஒன்றை 
என்னுள் பதிவு செய்கின்றன... 

தினசரி ஓட்டங்களுக்குள் 
சிக்கித் தவித்துக் கொண்டிருக்கிற
ஒவ்வொரு நொடிக்குள்ளும்
நான் தவித்து தகிக்கின்றேன்

நான் பார்த்த மனிதர்கள்
நான் பேசின வார்த்தைகள்
நான் பழகிய கடவுள்
நான் பரவசப்பட்ட இயற்கை

இப்படி என்னற நான்
என்ற நானுக்குள் - நான்
சிக்கித் தவிக்கும் போது
எனக்குள் நானாய் வந்தமர்ந்த
இந்த எல்லா பிம்பங்களும்
என்னை பார்த்து
கண் சிமிட்டிக் கொண்டிருக்கின்றன !!!