முடிவிலா எல்லை எது???

முடிவிலா எல்லை
என் முன் விரிந்திருப்பதாய்
எனக்கு கற்பிக்கப்பட்டிருக்கிறது... 

தேடியதும்... தேடப்படுவதும்... தேடிக் கொண்டிருப்பதும்
கைக்கிட்டும் நேரத்தில் எதுவுமே தேவைப்படும் 
நிலையில் இருப்பதேயில்லை... 

அர்த்தமற்ற வாழ்வெனவும்
அர்த்தமுள்ள சாவெனவும்
பிரகடனப்படுத்துகிற சூழ்நிலையிலெல்லாம்
நான் நடுக்கத்துடனே வெளிப்பட்டுக் கொண்டிருக்கிறேன்...

ஒரு மரணம் உணர்த்துவதை
ஒரு ஜனனம் கற்பிப்பதை
இரண்டையும் இணைத்துக் கொண்டிருக்கிற
இந்த வாழ்வு சொல்ல தவறிக் கொண்டிருக்கிறது...

இன்னமும் நம்பிக் கொண்டிருக்கிறேன்...

முடிவிலா எல்லை என்
முன்னால் விரிந்திருக்கிறதென
எனக்கு கற்பிக்கப்பட்டதை...

நான் இன்னமும் நம்பிக் கொண்டிருக்கிறேன்... !!!