மௌன நிலை...

யாரும் யாவையும்
எதற்காகவும் யாருக்காகவும்
காத்திருப்பதில்லை...

நான் மட்டும் யாருக்காகவோ, எதற்காகவோ
காத்திருக்க வைக்கப்படுகிறேன்....

ஆனால்

என்னைப் பொறுத்தவரை
காத்திருத்தல் என்பது என்னைச் சூழ்கின்ற
புற இயல்புகளையோ,
புற வெளிப்பாடுகளையோ
பொறுத்தல்ல...

அது முற்றிலும் என்
உள் முக பயணமாயிருக்கிறது...

அது ஒரு
விடியாத இரவைப் போல
இருளாத பகலைப் போல

தன்னை நீட்டித்து கொண்டிருக்கும்
பலவிதமான நினைவுகளில்
சஞ்சரிக்கும் மௌன நிலை...