கோபமாய் நீயும் அன்புடன் நானும் !!!

நான் பிறந்து இந்த 
மண்ணில் விழுந்த - அதே நேரத்தில்
எனக்குள்ளும் ஒரு குழந்தை பிறந்தது... 

அவ்வப்போது 
எனக்குள் வளரும்
அந்த குழந்தையை 
களவாடும் நோக்கிலோ
காயப்படுத்தும் நோக்கிலோ 
நீ அவதாரம் எடுக்கிறாய்... 

ஏன் சில சமயம் அதை
கொன்று போடவும் செய்கிறாய்...

எத்தனை முறை நீ கொன்றாலும்
மீண்டுமொரு குழந்தையை
உயிர்ப்பிக்கும் வல்லமை பெற்றவன் நான்...

ஒன்றை மட்டும் நீ உணர்ந்து கொள் !!!

மீண்டும் மீண்டும் கொல்வதால்
நீ பலவீனமாகிக் கொண்டிருக்கிறாய்
மீண்டும் மீண்டும் உயிர்ப்பிப்பதால்
நான் பயமற்றவனாகிறேன்...