உன்னைக் கடக்கும் போது

உன்னை தாண்டிப் போகும்
ஒவ்வொரு கணமும்
இதயம் லேசாகிறது...

உலகம் தன்னை மறந்து
என்னுடன் சுற்றுகிறது...

கால்கள் உன்னைத் தாண்டி
போகமாட்டேன் என
அடம் பிடிக்கிறது..

அதிர்வுறுகின்ற மூச்சுக்காற்றின்
மிதமான வெப்பங்களில்
உன் நினைவுகள் சுடுகிறது.

இது நடக்கக் கூடாது இது நடக்கக் கூடாது
என்று நினைத்தாலும்...

உன்னைத் தாண்டிப் போகும் அந்த
நிகழ்வு எப்படியோ நிகழ்ந்து விடுகிறது...

நொடிக்கும் குறைவான அந்தக் கணத்தில்
உன்னைப் பார்க்கிறேன்... நீயோ என்னைப் பாராதது
போல் ஓரக்கண்ணால் பார்க்கிறாய்...

ஐயோ... உன்னைத் தாண்டிப் போகும்
ஒவ்வொரு முறையும் நான்
இந்த உலகை வென்று கொண்டிருக்கிறேன்...