கோபம்

எரிச்சலின் மிகுதியில்
கட்டுக்கடங்கா கோபம் ஒன்று
என்னுள் வருகிறது...

என் முன் இருக்கும்

புத்தகத்தை தூக்கி வீசுகிறேன்..

பூமியை உதைக்கிறேன்...

காற்றில் கைளை வீசி
சுவரில் குத்துகிறேன்...

இன்னும் ஆற்றாமை தாங்காமல்
என் டேபிளில் இருந்தவையெல்லாம்
கீழே தள்ளி பின் ஒவ்வொன்றையும் எடுத்து
என் ரூம் முழுவதும்
வீசிக் கொண்டேயிருக்கிறேன்.

கையில் கிடைத்ததெல்லாம்
அள்ளி வீசிப் பார்க்கிறேன்...

ஆனால்

கடைசி வரை என்னுள் பிறந்த
அந்த கோபத்தை அள்ளி
வெளியே வீச முடியவில்லை...