வலிமை உன்னுள் இருக்க கடவதாக

என் மௌனங்களில்
நிறைந்திருக்கும் வன்மங்களில்
ஒன்றாக நீயும் இருக்கிறாய்...

நல்லதொரு சந்தர்ப்பமல்ல...
உனக்கான மிக மிக மோசமானதொரு
சந்தர்ப்பத்திற்காக
நான் காத்திருக்கிறேன்...

என்னை கடக்கும் போதும்
என்னை பார்க்கும் போதும்
உன் பார்வையின் அலட்சியம்
உன் புன்னகையின் ஏளனம்
... ... ...
மீண்டும் மீண்டும்
உன் எல்லாவற்றையும்
என் மௌனத்தின் கூர்வாள்களாக
சேமித்து வைக்கிறேன்...

நான் வேண்டுவன
என்பதெல்லாம் யாதெனில்
என் கூர்வாள்கள்
உன்னை நோக்கி வீசப்படும் போது
அதை தாங்கிக் கொள்ளும்
தாராளமான வலிமை உன்னுள்
இருக்கக் கடவதாக...