உனக்கும் எனக்கும்
இடையில் ஒரு போராட்டம்
நீயோ ஏதோ ஒன்றை
தொலைத்துவிட்டதைப் போல்
தேடிச் செல்கிறாய்...
நான் உன்னை தொடர்ந்து நடக்கிறேன்...
நான் பின்னால் வருவதை
நீ உணர்ந்தாலும் - திரும்பிப் பார்க்க
விருப்பமில்லாததைப் போல் நடக்கிறாய்...
உனக்கும் எனக்கும்
இடையில் ஒரு போராட்டம்
நீ ஏற்கனவே தொலைத்ததை
தேடி தக்கவைத்துக்கொள்ள
போராடிக் கொண்டிருக்கிறாய்...
நானோ... எங்கோ
உன்னைத் தொலைத்துவிடுவேனோ
என்ற பயத்தில் - உன்னை
பின் தொடர்ந்து வந்து கொண்டிருக்கிறேன்...
காலம் நம்மை கவனித்தவாறே
மெல்ல நம்மோடு நடந்து கொண்டிருக்கிறது...
