கடவுளை காப்பாற்ற

உழைப்பவன் கடவுள் சிலை
செய்து விற்கிறான்.
காசிருப்பவன் அந்த கடவுளை
விலைக்கு வாங்குகிறான்.
இரண்டும் இல்லாதவன் சாலையில்
ஊர்வலமாக சென்று பின்
கடலில் கரையும் சிலையை, sorry...
கடலில் கரையும் கடவுளை
வேடிக்கை பார்க்கிறான்.

கடலில் மெல்ல மெல்ல மூழ்கி
மூச்சு திணறி, தன் நிறமிழந்து
கண்கள் வெளிறிப் போய்
தத்தளித்து தவிக்கும் கடவுளை காப்பாற்ற
யாரும் முன்வரவில்லை.