பறக்கிறேன்...

என் தனிமையின்
இறக்கைகள் அடிக்கடி
உடைந்து விடுகிறது...

அதை சரி செய்யும் நினைவுகளை
மீண்டும் மீண்டும்
மீட்டெடுக்க முயற்சிக்கிறேன்...

ஆச்சரியம் என்னவெனில்
உன்னைப் பற்றிய - ஒவ்வொரு
நினைவும் எனக்கு புதிதான
இறக்கைகளை இலவசமாக
தந்துவிடுகிறது....

பறக்கிறேன்... பறந்து கொண்டேயிருக்கிறேன்...

உன் நினைவுகளை மாற்றும் போது
இறக்கைகளும் மாறிக் கொண்டேயிருக்கின்றன...
நானும் மாறிக் கொண்டிருக்கிறேன்...

உயர உயர பறக்கும் வேளையில் சற்றே
திரும்பிப் பார்த்தேன்... உன்னுடனான
ஆயிரக்கணக்கான நினைவுகளில்
என் ஆயிரக்கணக்கான பிம்பங்கள்
பறந்து கொண்டிருப்பதை நானே பார்க்கிறேன்...