சொல்வதும் சொல்லக் கூடாததும்

இதை எப்படி
சொல்வதென தெரியவில்லை
ஆனால்
எப்படியாவது
சொல்லியே ஆக வேண்டுமென
சொல்ல முற்படுகிறேன்...

நான் சொன்ன போது
இதை கேட்கும் நிலையில்
இருந்தவன் - இதை எப்படி
கேட்பதென - இறுதியில்
கேட்காமல் விட்டு விட்டான்...

அவன் இதை கேட்டும்
கேட்காதது போல்
விட்டு விட்டான் - என்பது
எனக்குத் தெரிந்தும் - நான்
சொல்லக் கூடாததை
சொல்லுவது போல்
அவனிடம் சொல்லாமல்
விட்டு விட்டேன்...

இன்னமும் இதை மட்டும்
எப்படி சொல்வதென
தெரியவே இல்லை !!!