பயம் ???

என் பாதையெங்கும்
அங்கங்கே பயத்தின் மேடுகள்
பலரால் பல ரூபத்தில்
எட்டிப் பார்க்கின்றன.

ஐயோ
இது நடக்கவில்லை என்றால்
என்னாகும் ?

ஐயோ
இது நடந்துவிட்டால்
என்னாவது ?

இதில் இவையெதுவும்
எனக்குள் இருந்து வருவதில்லை - அதனால்
அவை ஒரு போதும் எனக்குள்
அனுமதிக்கப்படுவதும் இல்லை...

அது... இது... எது... - என
தொடர்ந்து பயங்களால் என்னை தீண்டும்
முன்னால் உனதொரு பலமான
பலவீனத்தில்-தான் ஒவ்வொரு பயமும்
உருவாகிக் கொண்டிருக்கிறது என்பதை
எப்போது புரிந்து கொள்ளப் போகிறாய் !!!