மௌனத்தின் இரு பக்கங்கள் !!!

உன் மனதைப் போல
என் மௌனத்திற்கும் 
இரண்டு பக்கங்கள் இருக்கின்றன !

ஒரு பக்கம் உனக்கும் எனக்குமான
சந்திப்பின் புன்னகைகள்... 

மறு பக்கம் நீ இல்லாத போது
உன் நினைவோடு கரையும்
என் கண்ணீர் துளிகள்... 

விளையாட்டுப் பிள்ளை
ஒரு ரூபாய் நாணயத்தை
சுண்டி விளையாடுவது போல் - நீ
என் மௌனத்தை சுட்டு விரலால்
சுண்டி விடுகிறாய்...

ஐயோ... ஐயோ...

அது சுற்றி சுற்றி கடைசியில்
எந்தப் பக்கம் விழப் போகிறதோ
என்றதொரு பயத்தில் என் உயிரை
கையில் பிடித்தபடி காத்திருக்கிறேன்...